[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
وقال سعيد مقحم السهلي:
العيد عمت فرحته كل الأوطان
ثم اشرقت شمس المحبه سناها
يهدي من الفرحة تغاريد الأوطان
ويرسم على البسمة حلاوة شفاها
وحد جميع الناس صدقان واخوان
والنفس وصلها لغالي مناها
كل يقول العيد مبروك يا فلان
الله يعيده رب الارض وسماها
ويجمع قلوب عقب فرقا وهجران
على الفرح طيب يكسب رضاها
يطيب شوف اللي للأحباب ولهان
نظرات عينه بالمودةملاها
عبدالله غازي الحنيني:
العيد حان وبالمعاني قصدنا
ببيان من هيض المشاعر مواريد
ابيات من در الجزيلات زدنا
مثل الورود اليانعه بالعناقيد
ابيات في تنظيمهن اجتهدنا
نصوغهن ونعيد ونفيد ونزيد
ابيات نهديهن لقايد بلدنا
اللي على الطوله فعوله محاميد
الله يديمك للوطن يا فهدنا
يا سيدي تبقى واهنيكبالعيد
وهذه قصيدة قديم الشوق حيث يقول في العيد:
للعيد فرحه يا حلو فرحة العيد
نشوة أمل في وجيه الاحباب بانت
وللعيد غنوة وابتهاج وتغاريد
في الديرة اللي لسلم الاجداد صانت
وللعيد ذكرى في العيون المساهيد
يوم الجروح الماضية حيل لانت
وللعيد شوق وذكريات وتناهيد
في عيني اللي طول الايام عانت
وللعيد لهفة عند بعض الاجاويد
يوم الطبايع تالي الوقت شانت
وللعيد عقد يلبسه نايف الجيد
ذيك الجفول اللي على الروحمانت
الشاعر خلف ابوزويد الشمري:
يا راكبه وصل سلامي امكيده
قل له ترى قلبي تمزع امزوعي
كل نهار العيد عايد وديدة
وانا نهار العيد عيديادموعي
اجمل ما قيل في العيد
العرض العادي
